ბაზისბანკი აგრძელებს დეველოპერული და სამშენებლო სექტორის მხარდაჭერას. ამჯერად, ალფა დეველოპმენტი, კერძო დასახლების ტიპის მყუდრო საცხოვრებელ კომპლექს „სანი სითის“ აშენებს.

პროექტის ჯამური ღირებულება 5.4 მილიონი აშშ დოლარია, ბანკის მიერ გაწეული ფინანსური მხარდაჭერა კი 4 მილიონ აშშ დოლარს შეადგენს.

„სანი სითი“, მეტრო „ვარკეთილთან“, ვიქტორ კუპრაძის ქ. 2ე-ში მდებარეობს, რომლის თანამედროვე, დაბალსართულიანი, კომპაქტური შენობები მყუდრო, წყნარ საცხოვრებელ სივრცეს ქმნის. 

საერთაშორისო სტანდარტების კომპლექსი მოიცავს უსაფრთხო გარემოში მდებარე 8 სართულიან, ოთხ დამოუკიდებელ საცხოვრებელ კომპლექსს მიწისქვეშა და მიწისზედა ავტოსადგომებით, კეთილმოწყობილი ინფრასტრუქტურითა და დასასვენებელი სივრცეებით. 

პროექტი 2023 წლის დეკემბერში სრულდება და ბინის შეძენის მსურველებს შეუძლიათ ისარგებლონ ბაზისბანკის გამარტივებული იპოთეკური სესხით. განაცხადის შევსება მომხმარებელს შეუძლია ონლაინ.

"ალფა დეველოპმენტი 2013 წლიდან ოპერირებს ქართულ ბაზარზე. ამ დროის განმავლობაში შევძელით და მოვიპოვეთ სტაბილური, სანდო კომპანიის რეპუტაცია, რომელიც უზრუნველყოფს მაღალი ხარისხის მშენებლობას. უსაფრთხო საცხოვრებელი გარემო, კომფორტული ინფრასტრუქტურა, ბინების გონივრული გეგმარებები, მაღალი ხარისხის სამშენებლო მასალა, სწორი მენეჯმენტი და რაც მთავარია მაღალკვალიფიციური საპროექტო-საინჟინრო გუნდი ის უპირატესობებია, რაც ალფა დეველოპმენტს გამოარჩევს ქართულ ბაზარზე. ჩვენი მიზანია დავაკმაყოფილოთ კლიენტების მზარდი მოთხოვნა და უზრუნველვყოთ სანდო, უსაფრთხო და ხარისხიანი საცხოვრებელი სახლების მშენებლობა. ბაზისბანკთან პარტნიორობით, სამომავლოდ კიდევ მეტად შევუწყობთ ხელს ქვეყანაში სამშენებლო სექტორის გაძლიერებას", - აცხადებს ალფა დეველოპმენტის დირექტორი, ნინო ნემსაძე.

„ბაზისბანკის ერთ-ერთ პრიორიტეტულ მიმართულებას სამშენებლო სექტორის მხარდაჭერა წარმოადგენს. მსგავსი პროექტების განხორციელება მნიშვნელოვანია ქვეყანაში სამშენებლო სექტორის განვითარებასა და ეკონომიკის გაძლიერების მიმართულებით. მოხარული ვარ, რომ ვთანამშრომლობთ ისეთ კომპანიასთან, რომელიც მომხმარებელში მაღალი სანდოობით გამოირჩევა და ჩვენთან პარტნიორობით, კიდევ ერთი წარმატებული მასშტაბური პროექტი ხორციელდება, რომელიც დადებითად აისახება ზოგადად ბიზნეს გარემოზე“, - ამბობს ბაზისბანკის კომერციული დირექტორი, გიგი გაბუნია.