ხონის მუნიციპალიტეტში მკვლელობა მოხდა.
არსებული ინფორმაციით, სოფელ ჯიხაიშში მეზობელმა მეზობელი ცივი იარაღით გუშინ, 24 ივლისს დაჭრა, რის შედეგადაც შუახნის კაცი გარდაიცვალა.
როგორც შინაგან საქმეთა სამინისტროში აცხადებენ, მომხდარზე ერთი პირი ცხელ კვალზე დააკავეს.
გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
