"ავერსის" კლინიკიდან გაქცეული პატიმრების საქმეზე ბადრაგი დააკავეს. 

ამის შესახებ ინფორმაციას იუსტიციის სამინისტროში ადასტურებენ.

აღსანიშნავია, რომ დღეს ასევე დააკავეს კლინიკიდან გაქცეული 3 პატიმრიდან ერთ-ერთი. პოლიცია ამ დროისთვის 2 პატიმარს ეძებს.

შეგახსენებთ, „ავერსის“ კლინიკიდან 3 პატიმარი გუშინ, 1-ელ ნოემბერს გაიქცა.

„ავერსის“ ცნობით, პატიმრები კლინიკაში სამედიცინო კვლევაზე ჰყავდათ მიყვანილი, თუმცა მათ გაქცევა მოახერხეს.