უკრაინის შეიარაღებული ძალების მთავარსარდლის ვალერი ზალუჟნის მრჩეველი, მაიორი გენადი ჩესტიაკოვი თავის დაბადების დღეზე, საჩუქრის პაკეტში ჩამონტაჟებული ხელყუმბარის აფეთქებისას დაიღუპა

 39 წლის მაიორი დაბადების დღეს ოჯახურ გარემოში აღნიშნავდა. ერთ-ერთ სასაჩუქრე პაკეტში მაგარი სასმელი და სუვენირების სახით - ჭიქები იყო, რომლებსაც ხელყუმბარის (F-1) ფორმა ჰქონდა. ასეთი სულ 9 ჭიქა იყო, რომელთაგან ერთი საბრძოლო  ხელყუმბარა აღმოჩნდა, რომელიც ისე იყო დამონტაჟებული, რომ "ჭიქების" ამოლაგებისას უნდა აფეთქებულიყო, რაც მოხდა კიდეც: პაკეტი თავად მაიორმა გახსნა. ფოტო ჩესტიაკოვის სახლში, ტრაგიკული შემთხვევიდან რამდენიმე წუთშია გადაღებული - მაიორი ადგილზე დაიღუპა.