მსახიობი ირაკლი კვირიკაძე მკაცრად ეხმაურება თბილისის საქალაქო სასამართლოს მოსამართლე ქეთევან ჯაჭვაძის გადაწყვეტილებას, რომელმაც ანდრო ჭიჭინაძე, ონისე ცხადაძე და კიდევ 9 დაკავებული პატიმრობაში დატოვა. კვირიკაძე მიიჩნევს, რომ ეს გადაწყვეტილება არა სამართალთან, არამედ ბრძანებასთან კავშირშია.

„მთელი პროცესის განმავლობაში ვიცოდით, რომ არც არაფერი განუხილავს და არც არაფერი გაუსამართლებია. ეს არის პირდაპირი ბრძანება, მთელი პროცესის განმავლობაში იცოდა წინასწარი პასუხი და ეს პასუხი მივიღეთ. ეს ყველაფერი სასაცილოა, ეს არის ცირკი, თამაში, რომელსაც სამართალთან არანაირი კავშირი არ აქვს,“ – განაცხადა ირაკლი კვირიკაძემ.

მოსამართლის გადაწყვეტილებას, რომელიც რამდენიმე წუთის წინ გამოცხადდა, სასამართლო დარბაზში მყოფი დაკავებულების ოჯახის წევრებმა, ახლობლებმა და მეგობრებმა ხმაურით გამოემართნენ.

საქმე ეხება ანდრო ჭიჭინაძის, ონისე ცხადაძის და კიდევ 9 პირის საქმეს, რომელთა შორის არიან გურამ მირცხულავა, ლუკა ჯაბუა, ჯანო არჩაია, რუსლან სივაკოვი, ვალერი თეთრაშვილი, გიორგი ტერიშვილი, ირაკლი ქერაშვილი, რევაზ კინაძე და სერგეი კუხარჩუკი. ყველა ბრალდებულია ჯგუფურ ძალადობაში მონაწილეობისთვის.