ბათუმის მერიაში აცხადებენ, რომ 26 მაისის ქუჩაზე მდებარე კორპუსი, რომლის სადარბაზოც 8 ოქტომბერს ჩამოინგრა, სრულ დემონტაჟს დაექვემდებარება.

ამასთანავე, უწყებაში აღნიშნავენ, რომ კორპუსის მიმდებარედ არსებული შენობებიც ეტაპობრივად შემოწმდება.

შეგახსენებთ, რომ ბათუმში, 26 მაისის ქუჩაზე საცხოვრებელი კორპუსი 8 ოქტომბერს ჩამოინგრა. ნგრევის შედეგად, 9 ადამიანი გარდაიცვალა, მათგან 3 არასრულწლოვანია. აღნიშნულ ფაქტზე შინაგან საქმეთა სამინისტრომ 3 პირი დააკავა.