გამოცემა Wall Street Journal-ის ინფორმაციით, ამერიკის შეერთებული შტატების ადმინისტრაცია ამზადებს სანქციების ახალ პაკეტს რუსეთის სახელმწიფო დუმის დეპუტატების წინააღმდეგ.

როგორც გამოცემას სანდო წყარო უყვება, აშშ-ის სანქციები შესაძლოა, 300-ზე მეტ რუს დეპუტატს შეეხოს.

გამოცემის ცნობით, რომ შეზღუდვების ახალი პაკეტი ხუთშაბათს გამოცხადდება, როდესაც აშშ-ის პრეზიდენტი, ჯო ბაიდენი ევროპაში ჩავა.

ცნობისთვის, აშშ-ის პრეზიდენტი ჯო ბაიდენი აპირებს ნატო-ს, ევროკავშირისა და დიდი შვიდეულის ქვეყნების სამიტში მონაწილეობას, ასევე ის ვარშავაში გამგზავრებას გეგმავს.