უკრაინის შეიარაღებული ძალების მთავარსარდალმა ვალერი ზალუჟნიმ განაცხადა, რომ 16 დეკემბერს რუსებმა უკრაინის მიმართულებით 76 რაკეტა გაუშვეს, საიდანაც 72 კრუიზული რაკეტა იყო.

მისივე თქმით, მტრის 60 რაკეტა განადგურდა უკრაინის საჰაერო ძალების საზენიტო-სარაკეტო ძალებისა და  საჰაერო თავდაცვის ჯარების მიერ.

”წინასწარი მონაცემებით, დღეს დილით კასპიისა და შავი ზღვების რეგიონებიდან მტერმა 76 რაკეტა გაისროლა უკრაინის კრიტიკული ინფრასტრუქტურის მიმართულებით, რომელთაგან 72 იყო საკრუიზო რაკეტა (X-101, „კალიბრ“, X-22) და 4 იყო მართვადი საავიაციო რაკეტები“ - განაცხადა ვალერი ზალუჟნიმ.