თბილისში პოლიციის თანამშრომელი მოკლეს. აღნიშნულ ინფორმაციას შინაგან საქმეთა სამინისტრო ადასტურებს.

უწყების ცნობით, დაკავებულია ერთი პირი.

შსს-მ მომხდართან დაკავშირებით გამოძიება დაიწყო საქართველოს სისხლის სამართლის კოდექსის 108-ე და 236-ე მუხლებით, რაც განზრახ მკვლელობასა და ცეცხლსასროლი იარაღის უკანონოდ შეძენა-შენახვა-ტარებას გულისხმობს.

მომხდართან დაკავშირებით სხვა დეტალები ამ დროისთვის უცნობია.