2008 წელს ქართველების მისამართით შეურაცხმყოფელი პოსტი დავწერე, ამის გამო ბოდიშს ვიხდი- ამის შესახებ პატიმრობაში მყოფმა რუსმა ოპოზიციონერმა პოლიტიკოსმა ოლექსეი ნავალნიმ განაცხადა.

"ქართულ პოლიტიკაში კარგად არ ვერკვევი და შესაძლოა რამე არასწორად ვთქვა. ჩემდა სამარცხვინოდ, 2008 წელს, ქართველების მიმართ შეურაცხმყოფელი პოსტი დავწერე, იმ ფაქტის გავლენით, რომ ჩემი მეგობარი იბომბებოდა ცხინვალში. მე ამისთვის ბოდიში მოვიხადე და ახლაც კიდევ ერთხელ ვიხდი. მაგრამ, მე ვიცი, რომ ამის გამო, ჩემს მოსაზრებას საქართველოში წონა არ აქვს." - განაცხადა რუსმა ოპოზიციონერმა.