კრემლის პრესსპიკერი დიმიტრი პესკოვი, ბრაზილიის პრეზიდენტის, ლუის ინასიუ ლულა და სილვას განცხადებას გამოეხმაურა. 

პესკოვის თქმით, კრემლი მზად არის ნებისმიერი იდეის განსახილველად, რომელიც რუსეთის ინტერესებს ითვალისწინებს.

„ნებისმიერი იდეა, რომელიც ითვალისწინებს რუსეთის ინტერესებს, რა თქმა უნდა, იმსახურებს ყურადღებას და უნდა განვიხილოთ. რუსეთი მზად არის ამისთვის. ჩვენთვის მთავარია საკუთარი ინტერესები“, - განაცხადა პესკოვმა.

მანამდე ბრაზილიის პრეზიდენტმა განაცხადა, რომ აშშ-მა და ევროკავშირმა უნდა შეწყვიტოს უკრაინაში ომის წახალისება და დაიწყოს მშვიდობაზე საუბარი, რითაც საერთაშორისო თანამეგობრობა შეძლებს, უკრაინისა და რუსეთის პრეზიდენტების დარწმუნებას იმაში, რომ მშვიდობა მთელი მსოფლიოს ინტერესებში შედის