რუსეთის მიერ ბირთვული იარაღის გამოყენების ნიშნების მიმართ NATO ფხიზლად უნდა იყოს, - ამის შესახებ ამერიკის შეერთებული შტატების სახელმწიფო მდივნის მოადგილემ, ვენდი შერმანმა განაცხადა.

მისივე თქმით, რუსეთის პრეზიდენტის, ვლადიმერ პუტინის განცხადება, რომ ის აპირებს ბელარუსიის ტერიტორიაზე ტაქტიკური ბირთვული იარაღის განთავსებას, არის მცდელობა, რომ საფრთხე გათვლილი გეგმის მიხედვით გამოიყენოს.

"ჩვენ ყველა ვუყურებდით და ვღელავდით, რომ ვლადიმირ პუტინი გამოიყენებდა იმას, რასაც იგი არასტრატეგიულ ტაქტიკურ ბირთვულ იარაღს უწოდებს, ან სხვა დემონსტრაციულ ეფექტს ესკალაციისთვის, თუმცა მართვადი რისკების პირობებში", - განაცხადა შერმანმა.