რუსეთის დამარცხება არის ევროპისთვის ნორმალური ცხოვრების გარანტია, - ამის შესახებ უკრაინის საგარეო საქმეთა მინისტრმა, დმიტრო კულებამ განაცხადა.

კულებამ ევროპელ პარტნიორებს მოუწოდა, დააჩქარონ უკრაინისთვის იარაღის მიწოდება, ვინაიდან, როგორც თავად აღნიშნავს, ევროპაში მშვიდობა სწორედ უკრაინისთვის იარაღის მიწოდების სიჩქარეზეა დამოკიდებული.

"რუსეთის დამარცხება არის ევროპისთვის ნორმალური ცხოვრების გარანტია. ახლა უფრო მნიშვნელოვანი ამოცანა არ არსებობს. ამის მისაღწევად უკრაინას მეტი იარაღი და საბრძოლო მასალა სჭირდება და ეს ყველაფერი, რაც შეიძლება მალე უნდა იყოს მიწოდებული", - განაცხადა უკრაინის საგარეო საქმეთა მინისტრმა.