შვედეთის საგარეო საქმეთა სამინისტრომ განაცხადა, რომ შვედეთი ხუთ რუს დიპლომატს დიპლომატიურ სტატუსთან შეუთავსებელი საქმიანობების ჩატარების გამო აძევებს.

შვედეთის საგარეო საქმეთა სამინისტროში ასევე ხაზგასმით აღნიშნავენ, რომ მთავრობა ძალიან სერიოზულად უყურებს რუსეთის დაზვერვის საქმიანობით შესაძლო გამოწვეულ უსაფრთხოების საფრთხეს.

”ეს არის უსაფრთხოების საფრთხე, რომელსაც მთავრობა ძალიან სერიოზულად იღებს”, - ნათქვამია შვედეთის საგარეო უწყებაში.

შეგახსენებთ, მანამდე, გერმანიამ, საფრანგეთმა, ნორვეგიამ და ბელგიამ სავარაუდო ჯაშუშობის მიზეზით რუსი დიპლომატები ქვეყნიდან გააძევეს.