უკრაინა კონტრშეტევის განხორციელებისთვის კარგ მდგომარეობაშია, - ამის შესახებ ევროპაში NATO-ს მოკავშირეთა შეიარაღებული ძალების უმაღლესმა სარდალმა და აშშ-ის არმიის გენერალმა, კრისტოფერ კავოლიმ განაცხადა.

მისივე თქმით, უკრაინა დროულად მიიღებს ყველა იმ იარაღს, რომელიც აუცილებელია რუსეთის ჯარების წინააღმდეგ მომავალი კონტრშეტევისთვის.

„მოდელირების მიხედვით, რომელიც ჩვენ გავაკეთეთ უკრაინელებთან ერთად, უკრაინელები კონტრშეტევისთვის კარგ მდგომარეობაში არიან“, - განაცხადა კრისტოფერ კავოლიმ.