უკრაინას არ აქვს უფლება გერმანიიდან მიღებული იარაღი რუსეთის ფედერაციის ტერიტორიაზე დარტყმისთვის გამოიყენოს, - ამის შესახებ გერმანიის კანცლერმა ოლაფ შოლცმა ბენდორფში გამართულ საჯარო ღონისძიებაზე განაცხადა.

მისივე თქმით, მსგავს წესებს განსაზღვრავენ იარაღის სხვა დასავლელი მიმწოდებლებიც.

როგორც ოლაფ შოლცი აღნიშნავს, უკრაინის დახმარება აუცილებელია, მაგრამ ასევე უნდა გაკეთდეს ყველაფერი იმისათვის, რომ რუსეთსა და ჩრდილო-ატლანტიკურ ალიანსს შორის ომი არ მოხდეს.