რუსული კერძო სამხედრო კომპანია "ვაგნერის" დამფუძნებელი ევგენი პრიგოჟინი აცხადებს, "ვაგნერელები" უკრაინის ქალაქ ბახმუტს 10 მაისს დატოვებენ.

როგორც პროგოჟინი ამბობს, საბრძოლო მასალის ნაკლებობის გამო, "ვაგნერელების" დანაკარგი გეომეტრიული პროგრესიით იზრდება.

"ოფიციალურად მივმართავ რუსეთის გენერალური შტაბის ხელმძღვანელს, თავდაცვის მინისტრს, რუსეთის უმაღლეს მთავარსარდალს და რუს ხალხს. 10 მაისს, იძულებული ვიქნებით, ბახმუტში ჩვენი პოზიციები გადავცეთ რუსეთის თავდაცვის სამინისტროს დანაყოფებს და ჩვენი მეომრები, ჭრილობების მოსაშუშებლად, ფრონტის ხაზიდან გავიყვანოთ. გამყავს "ვაგნერელები", რადგან შეიარაღების უქონლობის გამო, ისინი უაზრო სიკვდილისთვის არიან განწირულები", - ამბობს პრიგოჟინი.