შეერთებული შტატების კონგრესის დელეგაცია, რომელშიც შედიოდნენ ჰელსინკის კომისიის წევრები, კიევის რეგიონს, ბუჩას ეწვივნენ.

დელეგაციის ხელმძღვანელმა, ჰელსინკის კომისიის ხელმძღვანელმა ჯო უილსონმა, კომისიის  წევრმა სტივენ კოენმა და აშშ-ის ელჩმა ეუთო-ში მაიკლ კარპენტერმა ბუჩაში დაღუპულთა ხსოვნას წუთიერი დუმილით პატივი მიაგეს.

ჯო უილსონმა განაცხადა, რომ აშშ ყველა შესაძლო მექანიზმით დაეხმარება უკრაინელ ოჯახებს და გააკეთებს ყველაფერს, რომ რუსეთმა ჩადენილზე პასუხი აგოს.

"ამერიკელებისთვის მნიშვნელოვანია იცოდნენ აქ მომხდარი საშინელებების შესახებ", - განაცხადა დელეგაციის ხელმძღვანელმა ჯო უილსონმა.