ქუთაისში ცოფის ორი შემთხვევა დაფიქსირდა.

ცოფის ვირუსი ერთ შემთხვევაში ოჯახის შინაურ ცხოველს, მეორე შემთხვევაში კი მიუსაფარ ძაღლს გამოუვლინდა, აღსანიშნავია, რომ არცერთი ცხოველი აცრილი არ ყოფილა.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, ცხოველებს კონტაქტი 18 ადამიანთან უფიქსირდება, ყველა მათგანს აცრა უკვე ჩაუტარდათ.

ამასთან ერთად, ადგილობრივი ხელისუფლება საზოგადოებას სიფრთხილისკენ მოუწოდებს.