ევროკავშირსა და ჩინეთს შორის ურთიერთობა ნორმალურად არ განვითარდება, თუ ჩინეთი არ აიძულებს რუსეთს დატოვოს უკრაინა, - ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ  ბორელმა განაცხადა.

მისივე თქმით, ევროკავშირი მოუწოდებს ჩინეთს, როგორც გაეროს უშიშროების საბჭოს მუდმივ წევრს, მოახდინოს გავლენა რუსეთზე, რათა შეაჩეროს ომი და შეასრულოს კონსტრუქციული როლი უკრაინაში მშვიდობისთვის.

„ევროკავშირსა და ჩინეთს შორის ურთიერთობა ნორმალურად არ განვითარდება, თუ ჩინეთი არ აიძულებს რუსეთს დატოვოს უკრაინა. ჩვენ მოვუწოდებთ ჩინეთს, როგორც გაეროს უშიშროების საბჭოს მუდმივ წევრს, მოახდინოს გავლენა რუსეთზე, რათა შეაჩეროს ეს ომი და შეასრულოს კონსტრუქციული როლი უკრაინაში მშვიდობისთვის“, - განაცხადა ბორელმა.