რუსული ავიაკომპანია Red Wings-ი საქართველოში ფრენებით არის დაინტერესებული. ამის შესახებ ინფორმაციას რუსეთის ცენტრალური სახელმწიფო საინფორმაციო სააგენტო Tass,  ავიაკომპანიის პრესსამსახურზე დაყრდნობით ავრცელებს.

როგორც ავიაკომპანიაში აცხადებენ, ავიაკომპანიამ უკვე გამოითხოვა განრიგი მოსკოვი-თბილისის, ქუთაისისა და ბათუმის მიმართულებით. 

"ვადასტურებთ, რომ Red Wings არის დანიშნული გადამზიდავი საქართველოში. ავიაკომპანიამ უკვე გამოითხოვა სლოტები [განრიგი] მოსკოვი-თბილისის, ქუთაისის და ბათუმის მიმართულებით. განრიგის შედგენისა და რეისების დაწყების პროცესში კომპანია რუსეთის ტრანსპორტის სამინისტროს გადაწყვეტილებით იხელმძღვანელებს", - აცხადებენ ავიაკომპანიაში.