ავსტრალიამ რუსეთის წინააღმდეგ ახალი სანქციები დააწესა. ამის შესახებ ინფორმაციას ავსტრალიის მთავრობა ავრცელებს.

როგორც ავსტრალიის პრემიერ-მინისტრმა ენტონი ალბანესმა და საგარეო საქმეთა მინისტრმა პენი ვონგმა განაცხადეს, სანქციები რუსეთის ეკონომიკური და სტრატეგიული მნიშვნელობის ინდუსტრიებზე ვრცელდება.

ფინანსური სანქციები შეეხება 21 ორგანიზაციას და სამ ფიზიკურ პირს, კერძოდ: რუსეთის სახელმწიფო ატომური კორპორაციის Rosatom-ის კომპანიებს, რომლებიც ეწევიან ბირთვულ კვლევებს, ინფრასტრუქტურის განვითარებას და იარაღის წარმოებას.