იმედი მაქვს, მივაღწევთ შეთანხმებებს, რომლებიც კონსტრუქციული განვითარების გზაზე დააყენებს ვითარებას არა მარტო სომხეთსა და აზერბაიჯანს შორის, არამედ მთლიანად რეგიონში, - ამის შესახებ რუსეთის ფედერაციის პრეზიდენტმა, ვლადიმერ პუტინმა, ევრაზიის ეკონომიკური კავშირის სამიტზე განაცხადა.
როგორც პუტინმა აღნიშნა, ტერიტორიული მთლიანობის ფუნდამენტურ საკითხზე არსებობს ფუნდამენტური ხასიათის შეთანხმებები, რომელიც მშვიდად და საქმიანად უნდა იქნას განხილული.
„ვფიქრობ, ტერმინოლოგიას, რომელიც ჩვენ სამმა, ყოველ შემთხვევაში, ძალიან კარგად ვიცით, სხვა სიტყვით იურიდიული ტექნიკა ჰქვია. დერეფანი, გზა, ასე შემდეგ და ასე შემდეგ – ეს მნიშვნელოვანია. და აქ არის გარკვეული წინააღმდეგობები. მაგრამ ის, რაც ახლა თქვით აზერბაიჯანის პრეზიდენტმა და სომხეთის პრემიერ-მინისტრმა, ბევრად უფრო მნიშვნელოვანია – რომ ტერიტორიული მთლიანობის ფუნდამენტურ საკითხზე ასევე არსებობს ფუნდამენტური ხასიათის შეთანხმებები. მაგრამ ჩვენ გვექნება შესაძლებლობა, როგორც შევთანხმდით, სამმხრივ ფორმატში განვიხილოთ ყველაფერი მშვიდად, საქმიანად. იმედი მაქვს, მივაღწევთ შეთანხმებებს, რომლებიც კონსტრუქციული განვითარების გზაზე დააყენებს ვითარებას არა მარტო სომხეთსა და აზერბაიჯანს შორის, არამედ მთლიანად რეგიონში. მინდა, დაგარწმუნოთ, რომ აქ ყველა დაინტერესებულია ამით“, - განაცხადა პუტინმა.
ოპოზიციური პარტია „გახარია - საქართველოსთ...
სამოქალაქო აქტივისტს ანრი კვარაცხელიას, რომელსა...
მზია ამაღლობელმა შეასრულა კონკრეტული დაკვ...
აჭარის მთავრობის ყოფილი თავმჯდომარე თორნიკე რიჟ...
ევროპარლამენტმა მიიღო კიდევ ერთი რეზოლუცია, რომ...
Mana press