უკრაინის პრეზიდენტ ვოლოდიმირ ზელენსკისა და პოლონეთის პრეზიდენტ ანჯეი დუდას შორის სატელეფონო საუბარი გაიმართა. ამის შესახებ ზელენსკი Telegram-ზე წერს.

უკრაინის პრეზიდენტის განცხადებით, საუბრის მთავარი თემა მოახლოებულ ნატოს ვილნიუსის სამიტსა და მოლოდინებს შეეხებოდა.

"ჩვენ გვესმის ალიანსის გადამწყვეტი ნაბიჯების მნიშვნელობა უკრაინის უსაფრთხოების გარანტიებთან დაკავშირებით“,- წერს ზელენსკი.

პრეზიდენტის თქმით, პოლონელ კოლეგასთან ფრონტის ხაზზე არსებულ საჭიროებებზეც ისაუბრა.