თეთრი სახლი ყურადღებით აკვირდება მოვლენების განვითარებას რუსეთის პრეზიდენტის, ვლადიმერ პუტინის ბელარუსში ტაქტიკური ბირთვული იარაღის განთავსების გადაწყვეტილებასთან დაკავშირებით, - ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.

ენტონი ბლინკენის თქმით, ბელარუსში ტაქტიკური ბირთვული იარაღის განთავსება ბელარუსის ბრეზიდენტის, ალექსანდრ ლუკაშენკოს კიდევ ერთი უპასხუსიმგებლო და პროვოკაციული გადაწყვეტილებაა.

„რაც შეეხება თავად ბელარუსს, ეს ლუკაშენკოს უპასუხისმგებლო და პროვოკაციული არჩევანის კიდევ ერთი მაგალითია, რომელიც ბელარუსის სუვერენიტეტზე კონტროლს ბელარუსელი ხალხის ნების წინააღმდეგ თმობს“, - განაცხადა ბლინკენმა.