გერმანიის კანცლერმა, ოლაფ შოლცმა და ნატოს გენერალურმა მდივანმა, იენს სტოლტენბერგმა ბერლინში ერთობლივი პრესკონფერენცია გამართეს, სადაც საუბარი რუსეთ-უკრაინის ომს შეეხო.

როგორც შოლცმა აღნიშნა, არსებობს იმის საშიშროება, რომ რუსეთის აგრესიული ომი უკრაინის წინააღმდეგ კიდევ დიდხანს გაგრძელდეს, ნატო კი ამისთვის მზად უნდა იყოს.

„ნატო არის თავდაცვითი ალიანსი. გერმანიამ ბევრი გააკეთა, რათა ალიანსის თავდაცვითი შესაძლებლობები გაზრდილიყო. რაც გვაერთიანებს, არის ნატოს ტერიტორიის ყოველი კვადრატული სანტიმეტრის დაცვის გადაწყვეტილება“, - განაცხადა შოლცმა.