"მთავარი არხის" გენერალურმა დირექტორმა ნიკა გვარამიამ რუსთავის სასჯელაღსრულების მე-12 დაწესებულება დატოვა.

რუსთავის ციხესთან მას მისი ოჯახის წევრები, მეგობრები და მხარდამჭერები ელოდნენ.

მისი შეწყალების განკარგულება დღეს, საქართველოს პრეზიდენტმა, სალომე ზურაბიშვილმა გასცა.

შეგახსენებთ, ნიკა გვარამიას თბილისის საქალაქო სასამართლომ 3 წლითა და 6 თვით პატიმრობა 2022 წლის 16 მაისს შეუფარდა. 2 ნოემბერს კი თბილისის სააპელაციო სასამართლომ „მთავარი არხის“ დამფუძნებელი, ნიკა გვარამია პატიმრობაში დატოვა.