ავსტრალია უკრაინას 73.5 მილიონი აშშ დოლარის ღირებულების დახმარების პაკეტს გამოუყოფს. ამის შესახებ ავსტრალიის პრემიერ-მინისტრმა, ენტონი ალბანესმა განაცხადა.

დახმარების ახალი პაკეტი 70 სამხედრო მანქანას, 14 სპეციალური ოპერაციების მანქანას, 28 სატვირთოსა და 14 ტრაილერს მოიცავს.

"ეს დამატებითი მხარდაჭერა რეალურ ცვლილებებს მოახდენს და დაეხმარება უკრაინელ ხალხს, რომელიც რუსეთის უკანონო, არაპროვოცირებული და ამორალური ომის წინაშე დიდი გამბედაობის გამოვლენას განაგრძობს", - განაცხადა ავსტრალიის პრემიერ-მინისტრმა.