ჩვენი მცველები ფლანგებზე ყოველდღე მიიწევენ წინ, - ამის შესახებ უკრაინის თავდაცვის მინისტრის მოადგილემ, ანა მალიარმა განაცხადა.

მისივე თქმით, უკრაინელმა სამხედროები აღმოსავლეთ ფრონტზე შეტევითი მოქმედებების დაგეგმვისას „ვაგნერისა" და რუსეთის მთავრობას შორის უთანხმოების ფაქტი გაითვალისწინეს.

"მეოთხე დღეა, ბახმუტის მიმართულებით შეტევითი ოპერაციები მიმდინარეობს. ჩვენი მცველები ფლანგებზე ყოველდღე მიიწევენ წინ თანდათანობით. დღეის მდგომარეობით ისინი არ შესულან ქალაქ ბახმუტში“, - წერს მალიარი.