ამერიკის პრეზიდენტი, ჯო ბაიდენი 11-12 ივლისს ნატოს ვილნიუსის სამიტს დაესწრება. ამის შესახებ ინფორმაციას თეთრი სახლი ავრცელებს.

თეთრი სახლის ინფორმაციით, ბაიდენი 9 ივლისიდან, 5-დღიანი ვიზიტით გაემგზავრება ევროპაში და სამ ქვეყანას ეწვევა.

აშშ-ის პრეზიდენტი შეხვედრებს გამართავს ფინეთში, ლიეტუვასა და დიდ ბრიტანეთში, სადაც ჩარლზ III-სა და პრემიერ-მინისტრ რიში სუნაკს შეხვდება.