უკრაინის უმაღლეს რადაში ფრაქცია „ხალხის მსახურის“ ხელმძღვანელმა დავით არახამიამ ქართულ ოპოზიციურ არხ „მთავარს“ ინტერვიუ მისცა. კერძოდ, მან განაცხადა, რომ საერთაშორისო თანამეგობრობა უნდა შეუერთდეს მიხეილ სააკაშვილის გადარჩენას.

არახამიას იმედი აქვს, რომ 2024 წლის საპარლამენტო არჩევნებში ოპოზიცია გაიმარჯვებს.

„ვფიქრობ, ქართველებმა გონივრული გადაწყვეტილება უნდა მიიღონ მომავალ არჩევნებზე. უნდა მოხდეს ხელისუფლების შეცვლა და ეს რადიკალურად შეცვლის სიტუაციას“, - განაცხადა მან.

ახალმა ხელისუფლებამ, არახამიას განცხადებით, საქართველოს ტერიტორიული მთლიანობა უნდა აღადგინოს.

„ცხადია, ომი წარმატებით დასრულდება (უკრაინისთვის). რუსეთს სხვა არჩევანი არ ექნება. იგივე პოლიტიკას გააგრძელებს აფხაზეთისა და სამხრეთ ოსეთის მიმართ. ჩვენ ვიცით, რომ ეს ტერიტორიები საქართველოს ეკუთვნის. ეს საკითხი უნდა მოგვარდეს. ეს უნდა გააკეთოს საქართველოს ახალმა ხელისუფლებამ“, - განაცხადა არახამიამ (მისი სიტყვების თარგმანს მთავარი აქვეყნებს).

მას ასევე მიაჩნია, რომ „ქართული ოცნების“ ხელისუფლებაში ყოფნა პრობლემებს შეუქმნის საქართველოს ევროინტეგრაციის გზაზე.