2022 წელს საქართველოს სახელმწიფო-პოლიტიკური თანამდებობის პირზე თავდასხმა მზადდებოდა. ამის შესახებ საუბარია საქართველოს სახელმწიფო უსაფრთხოების სამსახურის 2022 წლის ანგარიშში.

სუს-ის ცნობით, აღნიშნულთან დაკავშირებით გატარდა შესაბამისი პრევენციული ზომები და დაიწყო გამოძიება.

„2022 წელს სამსახურის სახელმწიფო უსაფრთხოების დეპარტამენტში გამოძიება დაიწყო სისხლის სამართლის 3 საქმეზე, მათ შორის, საქართველოს სახელმწიფო-პოლიტიკური თანამდებობის პირზე თავდასხმის მომზადების ფაქტზე, რაზეც გატარდა შესაბამისი პრევენციული ზომები აღნიშნული განზრახვის სისრულეში მოყვანის ხელშეშლის მიზნით",- ნათქვამია სუს-ის ანგარიშში, რომელიც პარლამენტს უნდა წარედგინოს.