მადლობელი ვარ აშშ-ის, როგორც ჩვენი მხარდაჭერის ლიდერის, მაგრამ მათ ვუთხარი, ისევე როგორც ევროპელ ლიდერებს, რომ გვსურს, კონტრშეტევა უფრო ადრე დავიწყოთ და ამისთვის გვჭირდება ყველა იარაღი და მასალა, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

როგორც ზელენსკი აღნიშნავს, ბრძოლის ველზე არსებული სირთულეები რუსეთის გაძლიერებული თავდაცვის გამო შენელდა.

„მინდოდა, რომ ჩვენი კონტრშეტევა გაცილებით ადრე მომხდარიყო, რადგან ყველას ესმოდა, რომ თუ კონტრშეტევა მოგვიანებით განვითარდებოდა, მაშინ ჩვენი ტერიტორიის უფრო დიდი ნაწილი დანაღმული იქნებოდა. ჩვენს მტერს ვაძლევთ დროსა და შესაძლებლობას, განათავსონ მეტი ნაღმი და მოამზადონ თავდაცვითი ხაზები“, - განაცხადა ზელენსკიმ.