გერმანია უკრაინას კასეტურ საბრძოლო მასალას არ გაუგზავნის, - ამის შესახებ გერმანიის თავდაცვის მინისტრმა, ბორის პისტორიუსმა განაცხადა.

როგორც პისტორიუსმა აღნიშნა, გერმანია იმ კონვენციის ხელმომწერი სახელმწიფოა, რომელიც ამ ტიპის იარაღის წარმოებასა და გამოყენებას კრძალავს.

„გერმანიამ ხელი მოაწერა კონვენციას, ასე რომ, ეს ჩვენთვის არ არის ვარიანტი“, - აღნიშნა პისტორიუსმა.

ცნობისთვის, 6 ივლისს, თეთრ სახლში განაცხადეს, რომ უკრაინისათვის კასეტური საბრძოლო მასალის მიწოდების საკითხი აქტიური განხილვის პროცესშია.