იაპონია უკრაინას უპილოტო საფრენი აპარატების ამომცნობ სისტემებს გადასცემს,- ამის შესახებ იაპონიის პრემიერ-მინისტრმა, ფუმიო კიშიდამ ვილნიუსში, ნატოს სამიტის დროს განაცხადა.

როგორც პრემიერ-მინისტრმა აღნიშნა, იაპონია უკრაინისთვის არალეტალური აღჭურვილობის მიწოდებისთვის გამოიყენებს 30 მილიონ დოლარს, რომელიც ქვეყანამ უკრაინის ფონდისთვის გამოყო.

"პარტნიორები, რომლებიც იზიარებენ ფუნდამენტურ ღირებულებებსა და სტრატეგიულ ინტერესებს, საკუთარი კავშირები კიდევ უნდა გააძლიერონ",- თქვა კიშიდამ.