ყირიმის ხიდზე აფეთქება მოხდა. აღნიშნულის შესახებ ინფორმაციას BBC ავრცელებს.

გამოცემის ცნობით, „საგანგებო ინციდენტის“ გამო 2 ადამიანი დაიღუპა, 1 კი საავადმყოფოში გადაიყვანეს.

როგორც ყირიმის ე.წ. ხელმძღვანელმა, სერგეი აქსიონოვმა განაცხადა, ხიდზე მოძრაობა შეჩერებულია, ხოლო ადგილზე სამართალდამცავი ორგანოები მუშაობენ.

ამასთან, რუსეთის ტრანსპორტის სამინისტროში აცხადებენ, რომ ყირიმის ხიდზე მხოლოდ გზის საფარია დაზიანებული, თუმცა რამ გამოიწვია ხიდის დაზიანება, უცნობია.