ამერიკის შეერთებულმა შტატებმა უკრაინას F-16-ის ტიპის საბრძოლო თვითმფრინავები, შესაძლოა, მიმდინარე წლის ბოლომდე გადასცეს.

ამის შესახებ თეთრი სახლის სტრატეგიული კომუნიკაციების კოორდინატორმა, ჯონ კირბიმ Fox News-თან ინტერვიუში განაცხადა.

"F-16-ები უკრაინაში, დიდი ალბათობით, წლის ბოლომდე ჩავა, მაგრამ ჩვენ არ გვჯერა, რომ მხოლოდ F-16-ები შეძლებენ სიტუაციის შეცვლას [ბრძოლის ველზე]",- ამბობს კირბი.

მან ასევე დასძინა, რომ უკრაინას ახლა მეტი საარტილერიო ჭურვი სჭირდება.