უკრაინამ რუსეთის ტყვეობიდან კიდევ 22 უკრაინელი სამხედრო გაათავისუფლა. ამის შესახებ ინფორმაციას უკრაინის პრეზიდენტის ოფისის ხელმძღვანელი ანდრეი ერმაკი ავრცელებს.

ერმაკის ცნობით, გათავისუფლებულ სამხედროებს შორის არიან ოფიცრები, რიგითები და სერჟანტები.

გათავისუფლებულებს შორის რამდენიმე დაჭრილიცაა, გათავისუფლებული სამხედროები ფიზიკურ, ფსიქოლოგიურ და რეინტეგრაციის კურსს გაივლიან.