ხელვაჩაურის მუნიციპალიტეტის სოფელ ახალსოფელში ორი მსუბუქი ავტომობილი ერთმანეთს შეეჯახა.

მომხდარის შედეგად ერთი ადამიანი გარდაიცვალა, ხოლო დაშავდა რამდენიმე.

როგორც "ექსპრესნიუსს" შინაგან საქმეთა სამინისტროში განუცხადეს, მომხდარზე გამოძიება დაწყებულია სისხლის სამართლის კოდექსის 276-ე მუხლით, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.