შოვში, სტიქიის ზონაში კიდევ ორი ადამიანის ცხედარი იპოვეს. აღნიშნული ინფორმაციას საგანგებო სიტუაციების სამსახური ადასტურებს.

უწყების ცნობით, ამ დროისთვის სტიქიის ზონაში აღმოჩენილია 31 ადამიანის ცხედარი, ხოლო 2 ადამიანის ძებნის სამუშაოები კვლავ მიმდინარეობს.

შეგახსენებთ, რაჭაში, ონის მუნიციპალიტეტის ტერიტორიაზე მდებარე კურორტ შოვში სტიქიური უბედურება 3 აგვისტოს მოხდა. მომხდართან დაკავშირებით გამოძიება ორი მუხლით მიმდინარეობს.