გასული ღამის განმავლობაში რუსეთის დედაქალაქზე უპილოტო საფრენი აპარატებით მორიგი თავდასხმა განხორციელდა. აღნიშნულ ინფორმაციას მოსკოვის მერი, სერგეი სობიანინი და რუსეთის თავდაცვის სამინისტრო ადასტურებენ.

რუსეთის თავდაცვის სამინისტროს განცხადებით, უპილოტო საფრენი აპარატი ისტრას რაიონში ჰაერსაწინააღმდეგო სისტემამ 03:00 საათზე ჩამოაგდო, შედეგად არავინ დაშავდა.

უპილოტო საფრენი აპარატებით თავდასხმის გამო, რამდენიმე საათით დაკეტილი იყო მოსკოვის აეროპორტები, 20-ზე მეტი რეისი გადაიდო, 8 კი გაუქმდა.