უპილოტო საფრენი აპარატით ანექსირებულ ყირიმში მდებარე რუსულ სამხედრო ბაზაზე იერიში მივიტანეთ. ამის შესახებ უკრაინის სამხედრო დაზვერვის სააგენტო (GUR) იუწყება.

რუსული მხარის ცნობით, საჰაერო თავდაცვის სისტემამ 42-ვე დრონის ჩამოგდება შეძლო და აღნიშნავენ, რომ მომხდარს მსხვერპლი არ მოჰყოლია.

გამოცემა Reuters-ის გადმოცემით, ადგილობრივები მსხვერპლის, აფეთქებებისა და ჩაკეტილი გზების შესახებაც იტყობინებოდნენ.

”ჩვენ ვადასტურებთ, რომ დარტყმა მართლაც განხორციელდა”, - განაცხადა GUR-ის სპიკერმა ანდრეი იუსოვმა.

ცნობისთვის, უპილოტო საფრენი აპარატებით თავდასხმის გამო, რამდენიმე საათით დაკეტილი იყო მოსკოვის აეროპორტები, 20-ზე მეტი რეისი გადაიდო, 8 კი გაუქმდა.