სინგაპურში გამართულ UFC-ის ღონისძიებაზე 20-თვიანი პაუზის შემდეგ დაბრუნებულმა ქართველმა მებრძოლმა, გიგა ჭიკაძემ ალექს კასერესი მსაჯების ერთსულოვანი გადაწყვეტილებით დაამარცხა.

გიგა ჭიკაძემ ალექს კასერსს მსაჯების შეფასებით სამივე რაუნდი მოუგო.

ჩხუბის დასრულების შემდეგ გიგამ განაცხადა, რომ საყვარელი საქმის გარეშე 20 თვის განმავლობაში ყოფნა მისთვის რთული იყო და ორგანიზაცია UFC-ის ახალი შესაძლებლობისთვის მადლობა გადაუხადა.

კარიერის განმავლობაში გიგამ MMA-ში 18 ბრძოლა ჩაატარა, საიდანაც 15 მოიგო. რაც შეეხება უშუალოდ UFC-ის მის ანგარიშზე 8 გამარჯვება და 1 მარცხია.