უკრაინას სჭირდება მეტი მხარდაჭერა და ყველამ უნდა გაიგოს, რომ თუ არ დაეხმარებიან უკრაინას, მაშინ რუსეთი უკრაინაში ან მოლდოვაში არ გაჩერდება, - ამის შესახებ მოლდოვას პრეზიდენტმა, მაია სანდუმ CNN-თან მიცემულ ინტერვიუში განაცხადა.

მაია სანდუ იმედს გამოთქვამს, რომ უკრაინა მეტ მხარდაჭერას მიიღებს, რაც ფაქტობრივად ომს დაასრულებს.

"უკრაინას სჭირდება მეტი მხარდაჭერა და ყველამ უნდა გაიგოს, რომ თუ არ დაეხმარებიან უკრაინას, მაშინ რუსეთი უკრაინაში ან მოლდოვაში არ გაჩერდება. იმედია, მალე იქნება მეტი მხარდაჭერა, რათა უკრაინამ თავისი ტერიტორიები დაიბრუნოს და ჩვენ უკვე ამ გიჟური ომის დასრულებას დავინახავთ", - განაცხადა სანდუმ.