19-22 სექტემბრის სასესიო კვირის პლენარულ სხდომებზე დეპუტატები „მინისტრის საათის" და ინტერპელაციის ფორმატში მთავრობის წევრებს მოუსმენენ. 

პარლამენტის თავმჯდომარის, შალვა პაპუაშვილის განცხადებით, 20 სექტემბერს, პარლამენტი „მინისტრის საათის" ფორმატში კულტურის, სპორტისა და ახალგაზრდობის მინისტრს, თეა წულუკიანს მოუსმენს.

პაპუაშვილის თქმითვე, 22 სექტემბერს, საკანონმდებლო ორგანოში ინტერპელაციის წესით, ეკონომიკისა და მდგრადი განვითარების მინისტრის, ლევან  დავითაშვილისა და შინაგან საქმეთა მინისტრის, ვახტანგ გომელაურის მოსმენა გაიმართება.