ამერიკის შეერთებული შტატები უკრაინას 1,25 მილიარდ დოლარს გადასცემს. ამის შესახებ ინფორმაციას Sky News-ი ავრცელებს.

გამოცემის ცნობით, აღნიშნულ დახმარებას აშშ კიევს მსოფლიო ბანკის PEACE პროექტის ფარგლებში გადასცემს.

უკრაინის ფინანსთა სამინისტროს განცხადებით, თანხები ძირითადად მიმართული იქნება მოწყვლადი ჯგუფების დახმარებაზე და ასევე მათთვის, ვინც საჯარო სერვისების შენარჩუნებაზე ზრუნავს.

ცნობისთვის, პროგრამა PEACE 18 თვის წინ, რუსეთის უკრაინაში სრულმასშტაბიანი შეჭრის შემდეგ, მსოფლიო ბანკის მიერ დაინერგა.