სალომე ზურაბიშვილი არის დიდი წინაპრების შთამომავალი... ეს ადამიანები საფლავში ტრიალებენ ალბათ, - ამის შესახებ "ქართული ოცნების" თავმჯდომარე ირაკლი კობახიძემ ტელეკომპანია "რუსთავი 2"-ის ეთერში განაცხადა.

კობახიძის თქმით, პრეზიდენტ ზურაბიშვილის წინაპრები იყვნენ ადამიანები, "რომლებიც იყვნენ დამოუკიდებლობის აღდგენის სათავეებთან".

"სალომე ზურაბიშვილი არის დიდი წინაპრების შთამომავალი. ძალიან დიდი წინაპრების შთამომავალი და ისინი იყვნენ პირველი კონსტიტუციის სათავეებთან ეს ადამიანები. და მე დარწმუნებული ვარ, რომ ეს ადამიანები, არ ვიცი, გამოთქმა რომ გამოვიყენოთ, საფლავში ტრიალებენ ალბათ", - ამბობს კობახიძე.