ვხედავთ, რომ ვარშავასა და კიევს შორის გარკვეული უთანხმოებაა, უთანხმოება გაიზრდება კიევსა და ევროპის სხვა დედაქალაქებს შორისაც, - ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

როგორც პესკოვმა განაცხადა, მოსკოვი აგრძელებს „სპეციალურ სამხედრო ოპერაციას“, რათა შეასრულოს ის ამოცანები, რომლებიც რუსეთს აქვს დასახული.

„ჩვენ ვხედავთ, რომ ვარშავასა და კიევს შორის არის გარკვეული უთანხმოება, ჩვენ ვვარაუდობთ, რომ ეს დაძაბულობა ვარშავასა და კიევს შორის გაიზრდება. გვესმის, რომ უთანხმოება კიევსა და ევროპის სხვა დედაქალაქებს შორის დროთა განმავლობაში ასევე გაიზრდება. ეს გარდაუვალია“, - განაცხადა პესკოვმა.