თურქული კომპანია Baykar, რომელიც  Bayraktar TB-2 ტიპის უპილოტო საფრენ აპარატებს აწარმოებს, უკრაინაში 100 მილიონი დოლარის ინვესტიციას განახორციელებს. ამის შესახებ კომპანიის ხელმძღვანელმა, ჰალუკ ბაირაქტარმა კიევში გამართულ ფორუმზე განაცხადა.

ბიზნესმენის თქმით, თურქული დრონების წარმოების ქარხანა კიევში წელიწადნახევარში აშენდება და იქ 300 ადამიანი დასაქმდება.

"საწარმო საშუალებას გაძლევთ ააწყოთ ორი ტიპის საბრძოლო თავდასხმის დრონების სრული წარმოების ციკლი - Bayraktar TB2 და Bayraktar Akinci", - განაცხადა ბაირაქტარმა.

აღსანიშნავია, რომ დრონები უკრაინული წარმოების ძრავებით იქნება აღჭურვილი.