მექსიკაში ეკლესიის სახურავი ჩამოინგრა, რასაც 9 ადამიანის სიცოცხლე ემსხვერპლა. აღნიშნულ ინფორმაციას BBC ავრცელებს.

ადგილობრივი მედიის ცნობით, 49 ადამიანი სამედიცინო დაწესებულებაშია გადაყვანილი.

BBC პოლიციაზე დაყრდნობით წერს, რომ შემთხვევის დროს ეკლესიაში, დაახლოებით, 100 ადამიანი იმყოფებოდა.

ვარაუდობენ, რომ ნანგრევებში ადამიანები არიან მოყოლილი, მათ შორის არიან არასრულწლოვნებიც.

ამ დროისთვის სამძებრო-სამაშველო ღონისძიებები მიმდინარეობს.